اتجوزت واحد عبيط

علي
موضوع ايه المهم بالنسبة ليوسف ابز حضرتك
زاهر
انت عارف ان يوسف قرب يرجع من المانيا
بعد فترة علاج ليها اكتر من 8شهور وهيقعد معايا شهرين وهياسافر تاني يكمل علاج
علي
ربنا هيشفيه الحمدلله كل مرة بيتحسن اكتر من المرة اللي قبلها
زاهر
انت الوحيد اللي عارف حقيقية المړض اللي عندي وان ايامي في الدنيا معدودة
علي
الاعمار بيد الله ومحدش يعرف عمره كد ايه سواء مريض او سليم ربنا يطول في عمرك لحد ما يتم شفاء يوسف وتطمن عليه
زاهر
انا بفكر اجوزها
علي مصډوم
تجوز مين يا زاهر بيه
زاهر
اجوز يوسف ايه مش من حقه انه يعيش حياة طبيعية
علي
انا ما قولتش حاجة بس الاول يخف خالص
عشان يقدر يتعامل مع المجتمع اللي حاوليه
زاهر
انت عارف ان يوسف عقله يوزن بلد هو عنده خلل في الاعصاب اللي مخليه مش قادر يتكلم كويس او يتحرك بطريقة عادية
علي
هو انت هتعرفني يوسف عنده ايه انا عارف انه عقله سليم انا باخد برايه في مشاكل كتير معايا
بس مين يعرف بكده وخصوصا ان حضرتك قافل عليه من صغره ودا اثر عليه بطريقة سلبية وبعدين مع العلاج والعمليات اللي اتعملت بدا يتكلم بطريقة عادية بس هي
مشكلة حركة الايدين اللي لسة بيتعلاج علاج طبيعي ليها وان شاءلله خير
زاهر
هو انا هاجوزه اي واحدة وخلاص انا هاختارله واحدة متعلمة وبنت ناس واهم حاجة متدينة وتعرف ربنا كويس عشان تكمل معاه وتقف جنبه لحد ما يخف خالص
علي

يا سلام ودي نجيبها منين
زاهر
انا تقريبا لقيتها والموضوع بفكر ازاي اقنعها بيوسف ابني
علي
انا من راي ان حضرتك تخليها تشوف يوسف وتتعامل معاها الاول وهتعرف انها بعد كده هتتجوز واحد مش متخلف عقليا
زاهر
هاشوف الحكاية دي هتظبط ازاي.
وتاني يوم في الشركة
حبيبة
صباح الخير يا استاذ زاهر
زاهر
صباح الفل يا حبيبة
حبيبة
انا جيت من بدري وماحدش قلي فين المكتب بتاعي
زاهر
اولا انتي هتتعيني هنا في السكرتارية انا عايز حد يكون دماغة ماشية مع التكنولوجيا والتطور وانا فهمت من والدك انك ذكية جدا وشاطرة في تنسيق العمل
حبيبة
يعني شوية

زاهر
طيب روحي استلمي الشغل مع السكرتيره برة
حبيبة كانت هطير من الفرح وزاهر قغد مع ابو حبيبة
فاروق
خير يا استاذ زاهر في حاجه
زاهر
ايوة انا كنت عايزك في موضوع ضروري
وعارف انك انسان متفتح وذكي وهتفهمني
فاروق
خير انشاء الله
زاهر
حبيبة بنتك عايزها لابني يوسف
فاروق
مش فاهم حضرتك
زاهر
عايز اخطب
حبيبة
لابني يوسف
فاروق
يا سلام واحنا نلاقي احسن من ابن الاستاذ زاهر
زاهر
اسمع يا فاروق انا ماعنديش غير ابني يوسف يعني اللي هاتتجوزه هاتورث كل الثروة اللي جمعتها في حياتي
فاروق
لا يا يعادة البيه الجواز مش فلوش وبس
زاهر
سيبني اكمل كلامي
فاروق
اتفضل حضرتك
زاهر
الصراحة مطلوبه وايه يعني ما هو ده الطبيعي كل اللي عملته هيروح لابني ومراته واولاده بس انا عايز اكلمك عن يوسف وياريت تفهمني بعقلك
فاروق
خير قلقتني يازاهر بيه
زاهر

يوسف ابني امه وهي حامل فيه اخدت علاج غلط عمله خلل في الاعصاب وخلاه غير متزن في نطق الكلام والحركة
فاروق
قصدك متخلف عقليا
زاهر
لا ابني يوسف عقله يوزن بلد هو بتعالج بر مصر وبيتحسن كل يوم وانا هاكلمك بصراحة
فاروق بنظرة خبث
ياريت الصىراحة ما فيش احسن منها
زاهر
انا عندي مرض خبيث وايامي في الدنيا معدودة وعايزة واحدة تكون متربية كويس وبنت ناس وتكون تعرف ربنا عشان تقدر تحافظ هلي يوسف لحد ما يخلص مرحلة علاجة
فاروق
وحضرتك فكرت في حبيبة بنتي لما شوفتها
زاهر
ايوة

فاروق
بس يمكن حبيبة ترفض
زاهر
انا عايزك تاثر عليها وتحاول تقنعها
فاروق
هو مادام بتعالج وحالته كويسة نرفض ليه
زاهر
فكر وشوف رايها ايه وهاستني تلرد بعد يومين منك ومن بنتك
فاروق
بس لو وافقت حبيبة هيبقي مهرها غالي اوي
زاهر
ان وافقت مافيش حاجة تغلي عليها واللي عايزه انا هاعمله والاول والاخر كل اللى انا املكه هيبقي ملكها
فاروق
انا لازم افهم حبيبة الموضوع من اوله وافهمها حقيقة وضع ابن حضرتك اللي انت لازم تشرحلي كل حاجه بوضوح وكل التفاصيل
وفي بيت فاروق
فاروق
اسمع يا ام حبيبية في موضوع لو تم هينقلنا في حته تانيه خالص
ام حبيبة
خير يا فاروق ايه داخل مشروع جديد ولا ايه ولا هتشتغل في شغل جديد

فاروق
هو اللي انتي بتقولي عليه ده بياكل عيش
حبيبة بنتك جايلها عريس غني جدا جدا جدا
ولو طلبت لبن العصفور هايجي
ام حبيبة
هو احنا هنبيع بنتنا بالفلوس وبعدين احنا مش محتاحين للفلوس الحمدلله مستورة اقوي
فاروق
بقولك ايه كلام فاضي انا ما عايزش الجوازة دي هتم يعني هتم دا بنتك هتتجوز واحد مش هايحسبها علي اي حاجة يعني هتعيش براحتها

ام حبيبة
يعني ايه براحتها دي هي تتجوز واحد راجل يسبها براحتها ازاي دي
فاروق
انتي عارفه مين العريس دا يبقي ابن زاهر بيه صاحب البنك وفلوس بره وجوة وقصور وفنادق يعني بنتك هتبقي من اغنياء البلد
ام حبيبة

ياسلام ابن زاهر بيه ايه اللي خلاه يختار بنتي ما اتجوزش واحدة من الاغنياء اللي زيه
فاروق
ما هو ده احلي ما في الموضوع كله ابن زاهر بيه عنده خلل في الاعصاب وبيتعالج منه والعلاج جايب نتيجة وابوه عايز يجوزه واحدة بنت ناس ومتدينة عشان تراعي ربنا في جوزها وفلوسه
ام حبيبة
يانهارك اسود انت عايز تبيع بنتك بالفلوس وتجوزها لواحد عبيط ولا متخلف عقليا لا يمكن الجوازة دي تتم
فاروق
والله العظيم لو قتحتي بؤقك بكلمة لاتكوني طالق واسمعي كويس الجوازة دي هتم غصبن عن اي حد انتي فاهمة
يا حبيبة
حبيبة
ايوة يا بابا انا جاية ايه دا مالك يا ماما هو بابا مزعلك في حاجه
فاروق
اسمعي يا حبيبة انا عايز اعرف ان كنت ربيت بنتي كويس وهطيع ابوها ولا لا

حبيبة
خير يابابا انا بدات اقلق من طريقة الكلام هو حضرتك مش عارف انا متربية ازاي وعمري ما هخرج عن طوعك واعصيك
فاروق
طيب يا حبيبة ابوها في عريس متقدملك
وكويس قوي وغني اوي اوي
حبيبة
هو ده اللي مزعلك يا ماما وهو العريس ده يعرفني جاي يخطبني علي اساس ايه
فاروق
العريس يبقي ابن زاهر بيه صاحب البنك وابوه هو اللي طلب ايدك لابنه
حبيبة
طيب وابنه رايه ايه ولا هو هيوافق علي اللي يختارها ابوه ولا حضرتك ما تعرفش ابنه
فاروق
بصي الراجل اختارك لابنه عشان انتي بنت ناس ومتعلمة ومتدينة وعايز واحدة تحافظ علي ابنه وفلوسه
حبيبة
يابابا انا مش فاهمة حاجة هو المفروض ابنه اللي بحافظ عليا في حاجه في كلام حضرتك انا مش فاهمها
فاروق
اسمعيني كويس ابن زاهر بيه عنده شويه
خلل في الاعصاب والواد بيتعالج من زمان وقرب يخف خالص وابوها عنده المړض الخبيث وايامه في الدنيا معدودة وعايز واحدة تحافظ علي ابنه وفلوسه واختارك
انتي والفلوس وكل اللي يملكه هيبقي ملكك

حبيبة
مس مسالة فلوس يابابا ايه عنده خلل اعصاب هو انا هتجوز واحد عبيط ولا ايه
وحضرتك مهتم اوي بحكاية الفلوس هو انت هتبعني عشان الفلوس
فاروق
انتي بتتكلمي
زي امك

بيع ايه اللي بتقولوا عليه انا هجوزك جوازة اي بنت تحلم بيها والجوازة هتم والراجل هيجي بكرة باليل هيكتب الكتاب واي اعتراض منك هتشوفوا مني وش تاني خالص
حبيبة
الحقيني يا ماما هو بابا بيعمل كده ليه انا بنته هيبعني عشان الفلوس اخرتها يا امي هتجوز واحد عبيط ولا متخلف عقليا
فاروق
اهدي يا بنتي ابوكي عايز مصلحتك من وجهة نظره وبعدين بيقول الواد ابن زاهر بيتعالج وقرب يخف وانتي عارفة اني ماليش حد غير ابوكي كنت اخدك ومشيت
هعمل ايه يا بنتي
حبيبة
ما تعمليش حاجة يا ماما انا ما ينفعش اهرب واسيب بابا وانا بنته هياخد ذنبي وحرام لو عصيته وخرجت عن طوعه وليه عليا الطاعة زي ما قال ربنا
وتاني باليل جه زاهر بيه والمساعد بتاعه علي والماذون وكتبوا الكتاب وكانت حبيبة زي الواحد اللي مستني يتنفذ فيه حكم الاعډام واتكتب الكتاب بتوكيل من يوسف لابوه ولما روحوا علي الفيلا
زاهر
تعالي يا حبيبة عايز اتكلم معاكي قبل ما تقابلي يوسف انا ملاحظ انك زعلانة مش فرحانة ومعاكي عذرك ومش زعلان منك لان ده الوضع الطبيعي لاي واحدة مكانك

حبيبة
انت حضرتك اشتريت واحدة لابنك عشان تخلي بالها منه معلهش انا بتكلم معاك بصراحة وخصوصا بعد ما اقنعت ابويا
زاهر
انتي مش فاهمة اي حاجة من ام يوسف الله يرحمها ما كانت حامل في يوسف وكان الحمل طبيعي جدا ومفيش اي حاجة تخوف لحد ماتعبت وكانت في الشهر التامن ولاسف اخدت علاج غلط اثر الجنين في بطنها لكن ما عرفناش ده غير بعد الولاده والدكاترة قالت في علاج لحالته بس بعد ما يكبر ويعدي سن معين امه من حزنها عليه سابتنا انا وهو بدري اوي وانا ماقدرتش اتجوز تاني لانها كانت حب عمري وخفت علي يوسف لاهمل فيه وفعلا بدا العلاج وعمل عملية ونجحت وليه فتره كبيره في مراحل العلاج الطبيعي واللي ما تعرفهوش ان يوسف ابني مخلص جامعة واخد كليه السن
حبيبة
خضرتك بتقول ايه ازاي واحد معاق ياخد كليه ويتعلم
زاهر
انتي مش فاهمة حالة ابني بس لم هتشوفيه هتعرفي وعالعموم هو كان رافض الجواز بالطريقة دي لكن عشان بيحبني وافق ودلوفتي تعالينطلع لفوق اعرفك عليه
ولما دخل زاهر اوطته يوسف هو حبيبة
لقيت حبيبة شاب زي القمر شبه الممثلين

زاهر
يوسف يا حبيبي تعال اتعرف علي حبيبة
هي دي اللي بقيت مراتك ايه رايك في اختيار ابوك
يوسف بينطق الكلام بصعوبة شوية
ازيييك يا حبيبة اختيار ابويا زي القمر اتفضلي
زاهر
انا هاسيبكم دلوقتي خلي بالك منها يا يوسف ما تزعلهاش
يوسف
تعالي يا حبيبة جنبي انتي واقفة بعيد خاېفه
مني ولا ايه انا مش هعضك
حبيبة
لا انا مش خاېفة ولا حاجة بس متلخبطة
شوية من اللي حصل الجوازة جات بسرعة اوي
يوسف ضحك وقال
دي الواحدة تتجوز جوازة با ختيارها بتبقي متوترة انا عذرك انتي اتجوزتي بسرعة واكيد مڠصوبة علي الجوازة دي
حبيبة
انت بتفهم وبتعرف تتكلم مع اللي قدامك وابوك قالي انك مخلص جامعة بس هي طريقة كلامك بس اللي هيا تعبانة شويه وحركة ايديك انا اسفة اني بتكلم معاك بصراحة
يوسف
في حالتنا انا وانتي اهم حاجه الصراحة انا مش متخلف عقليا ولا ما بفهمش انا ما عنديش مشكلة في القدرات العقلية انا عندي الاعصاب هي اللي تعبانه شوية
حبيبة
انا والله العظيم مش قصدي كده انا اسغة بجد انا ما بحبش اجرح اي حد

يوسف
انا مش زعلان منك والله انا عارف وفاهم واقسملك اني حاسس بيكي وعارف اللخبطة اللي جواكي بس هاريحك اسمعي كلامي كويس انتي انجوزتيني ڠصب عنك وده اكيد انا مش عايز منك غير انك تصبر عليا لحد ما اعمل العملية التانيه والاخيرة ان شاءلله واطمن علي ابويا وبعد كدا ممكن تطلبي الطلاق هو ابويا خاېف عليا لتحصله حاجة وانا اتعب لوحدي ممكن تقبلي المهمة دي
حبيبه
انت زي ما قولت الحوازة فعلا كانت ڠصب
بس انا ما كنتش فاهمة حقيقة الوضع عندك وعند الاستاذ زاهر انا هاقف جنبك لحد ما تخف وتقدر تثبت لوالدك انك قادر تواجه الحياة لوحدك من غير مساعدة حد غير ربنا
يوسف
وانا مش عايز منك اكتر من كدا وياريت نبقي صحاب حتي لو ما كملناش حياتنا مع بعض انا محتاج في حياتي ناس زيك تعاملني بصراحة
من غير نفاق
موافقة نكون صحاب من دلوقتي
حبيبة
موافقة اول مره يكون ليا صديق لعلمك
بس دلوقتي انا عايزة انام
يوسف
طيب ممكن ناكل ونتعشي عشان انا ما اكلتش من امبارح واكيد انتي كمان
حبيبة
والله فعلا انا زيك من الموقف اللي حصل ده انا كنت مش قادرة اتكلم ولا اكل اي حاجة.
واتعشوا هما الاتنين وحبيبة لاحظت اد ايه يوسف انسان محترم جدا ورقيق في معاملته وفهمت انه انسان طبيعي عقليا بس مشكلة الاعصاب دي اللي متلخبطة الدنيا معاه وغيرت هدومها ونامت علي السرير ويوسف نام علي الكنبة واول ما صحي يوسف بص عليها هي ونايمة و شاف انها جميلة جدا عامله زي الاميرات هي ونايمة واكتر حاجه عجبته فيها صراحتها وانها اتكلمت معاه من غير نفاق عشان فلوسه زي ناس كتير ما بتعمل
وفضل يبص عليها فترة كبيرة وتقريبا اعجب بيها ونزل قعد تحت مع ابوه
زاهر
ايه رايك في عروستك انا قولتلك انها كويسة وانسانة محترمة جدا
يوسف
بس هي كانت تستاهل واحد احسن مني ابوها غصبها علي الجوازة والبنت متعلمة وجميله جدا مش انا اللي مفروض يكون متجوزها
زاهر

ليه بتقول كدا انت احسن واحد واطيب قلب في الدنيا وعمرك يا ابني ما كهرت حد وبتحب الخير للناس وبتساعد الناس كلها عشان ربنا يبقي تستاهل احسن حاجة وتستاهل انك تعيش حياتك زي اي انسان لانك احسن انسان محترم
يوسف
يا بابا ما نضحكش علي بعض انت عارف حالتي كويس ولسة قدامي فترة علاج طويلة لية تظلم واحدة انها تتجوزني عصب عني
زاهر
انت خلاص قربت تخف وبعدين انا ماظلمتش حد يا ابني انا جوزتها لاحسن راجل في الدنيا
يوسف
عشان انا ابنك لازك تشوفني كده بس غيرك مش هيشوف كده انت بتشزفني بقلبك وبس
في الوقت كانت حبيبة بتسمع الكلام ده وهي واقفة من برة من غير ما حد ياخد باله منها و حسيت ان يوسف هي اللي ظلمته بانها قالت عبيط ومتخلف ودخلت عليهم