جوزي معرفش يحليني حامل

حامل في توأم
اسمي اماني خريجة صيدلة متجوزة بقالي 3 سنين ولسه لحد دلوقتي محصلش حمل مع ان جوزى دكتور أمراض نسا وتوليد وفي يوم كنت عند ماما وقالتلي
سناء
بقولك ايه يا اماني هو جوزى مش ناوي يعملك عملية الحقن المجهري بقا
اماني بزعل
لا يا ماما مش ناوي يعملهالي اصل شريف بيقول انها متنفعليش
سناء
ليه هو انتي مش ست زي بقيت الستات اللي بيعملوها وبيخلوفو ولا ايه
اماني
ياماما شريف دكتور واكيد عارف اكتر
سناء
يعني ما هو جوزك اللي عملها لاخت مرات اخوكي ومشاء الله جابت تؤام زي القمر ربنا يباركلها فيهم ولا هو جه لحد عندك ومش عارف يعملها ولا يمكن باب النجار مخلـ،ـع زي مابيقولو
اماني
لا ياماما مش مخـ،ـلع ولا حاجة وشريف مشاء الله عليه دكتور نسا شاطر جدا ويمكن اشطر من اخوه عماد ماانتي عارفة هو كمان دكتور وفي نفس المجال
سناء
ياحبيبتي انا بقول عشانك وكمان عشان عارفه حماتك لسانها مش بيسكت خصوصا ان سلايفك الاتنين معاهم عيال وانتي الوحيدة اللي مخلفتيش لحد دلوقتي

اماني

طيب يعنى هنعمل ايه ياماما ماهو شريف لما عملي التحاليل عشان العملية دي لاقي انه في مشاكل واديني باخد العلاج اللي قالي وربنا يسهل
ورجعت البيت لقيت شريف موجود
شريف.
حمد الله على السلامة يا اماني اتاخرتي عند مامتك كده ليه هي تعبانة ولا ايه
اماني
لا ابدا ياشريف بس الكلام اخدني معاها ولسه نازله من عندها وبعدين انت اول مره ترجع بدري متصلتش بيا ليه وانت جاي وكنت جتلك من عندنا علطول
شريف
لا عادي مفيش مشكله انا كمان لسه داخل من دقيقتين
اماني
طيب ياشريف هو لسه برضو مفيش امل اني اعمل العملية وتنجح
شريف
لما تخلصي العلاج ونعمل التحاليل تاني ساعتها هنعرف العملية هتنفع ولا لا
اماني
طيب وافرض لقدر الله منفعتش هفضل طول عمري من غير اولاد ياشريف
شريف
لا اله الا الله يا اماني هو في حاجة بعيدة عن ربنا ارمي توكالك على الله وقولي يارب
اماني

يارب ياشريف يارب

شريف
وياريت تبقا دي اخر مره نتكلم في موضوع العملية دي تاني مش كل ماتشوفي وشي تقوليلي
اماني
حاضر ياشريف بس انا بقول ان عمري بيعدي وخلاص بقا عندي 25 سنه يادوب الحق اخلف دلوقتي واعرف اربي واكبر
شريف
عادي يا اماني في ستات بتحمل لحد سن الأربعين وبرضو بيربو وبيكبروا يعني متفكريش نفسك كبيره اوي يعنى انتي عارفة اني دكتور نسا وفاهم كويس انا بعمل ايه واكيد هبقا عارف حالتك وخلاص بقا مش عايزين نتكلم في الموضوع ده تاني تمام يلا تصبحي على خير
وسبني ودخل او.ضتة وفضلت اعده افكر في عمري اللي بيجري من غير اولاد وقولت يارب اكون ام زي بقيت البنات
وبعد كام يوم سلفتي طلعت عندي في شـ،ـقتي تقعد معايا
مروة
خلاص بقا يا اماني اكيد الدكتور شريف يعرف اكتر منك في الأمور اللي زي دي وبعدين

ماهو بيديكي العلاج
عشان ربنا يكرمك والعملية تتعمل مش تقعدي كل شوية تزني عليه الرجالة بتزهق ياحبيبتي
اماني
ده دكتور يا مروة والمفروض انه يكون عنده حلول كتير للمشكلة اللي احنا فيها ده خلا ماما تقولي هو باب النجار مخلـ،ـع

مروة

ههههه والله مامتك دي عسل بس يمكن هي معذورة برضو اكيد نفسها تشوف ولادك بس انا متفائله خير وان شاء الله ربنا هيكرمك وتبقى مامي قريب ياحبيبتي لانك طيبه وتستاهلي كل خير يا اماني
أماني
تسلميلي يامروة والله لوما انتي معايا في البيت ده مكنت استحملت اقعد فيه يوم واحد بسبب حماتي وكلامها هي والست داليا سلفتنا
مروة
ليه هي داليا زعلتك في حاجه
اماني
بتفضل هي وحماتي يلقحو عليا بالكلام وانا اقعده معاهم عشان برضو الخلفة مش عارفه الاقيها من مين ولا مين
مروة
ولا تحطي في دماغك الكلام ده هما طبعهم كده الرغي وبس وبعدين انتي عارفة الست داليا من ساعت مادخلت البيت وفضلت تلف حوالين حماتي وتعملها شويتين الحنية بتوعها عشان تاخدها في صفها وحماتي بقا متعملش معاها زي مابتعمل معانا دي بت سوسه
اماني
ربنا يهديها عني يامروة بجد لحسن انا مبقتش مستحمله كلمة من اي حد خالص
وكنت في يوم تحت عند حماتي وجات بنت اختها تزورها وانا بفتحلها الباب بقولها
اهلا وسهلا ازيك يامي نورتي ردت عليا ببرود وقالت
اهلا يا اماني ياترى خالتو موجوده
اماني
اه موجوده اتفضلي ادخليلها

ودخلت مي وسلمت